海下灣海岸公園
海下灣是首批海岸公園。這個地方聽說很美麗，它有良好的水質及多樣化的海洋生物，被認為全港最好的海域之一， 是受保護的海岸。可惜一直無勇氣大熱天時帶着豬豬去。碰巧豬朋友搞生日派對， 機會嚟喇。 當天坐了一個小時的士進去，已經有啲頭痛。到達後，嘩，隱世桃園呀，真係幾辛苦搭車又搭船都值得。
水質相當清澈 (以香港水質來說) ， 有好多魚仔、貝殼類、 寄居蟹等等。 風平浪靜，淺水 (小腿以下) ，可以抱著豬豬走到海中心坐下來chill chill。 水淺無風浪，很適合幼兒安全玩樂。海中有數個sandbank，亦是可徒步走過去的。
早起的鳥兒有蟲吃，我早上八點半已經到達( ftm係咁早起身㗎喇😑) ，只有寥寥幾個人，不算炎熱，海水是涼涼的。 有一件事必須提醒你，原來海下灣有兩個沙灘！！落車後，入村第一個灘(左轉) 係比較少人嘅沙灘， 而且啲魚較細條，唔會咬人。如果你一直往前行的那個沙灘，是 for 玩獨木舟的人啊，這邊九點後開始多人， 啲魚好大條 ，我被咬了無數咁多啖 ( 免費去死皮服務😂) 。
回程叫唔到的士，上咗7號小巴直接返西貢碼頭， 食個fish and chips 再碌返屋企，好瀟灑嘅一天呀。
阿豬媽推介帶小朋友去 (但必須早起身 否則太熱) ，可以認識多啲海洋生物。香港地真係好少地方可以見到咁多樣性嘅生物。 我想豬豬快啲大，可以一齊浮潛執垃圾， 划獨木舟，睇魚魚😊
交通工具⚠️
如果想搭交通工具到海下灣，可以從從西貢市撘 7號綠色小巴 。落車經小路入村就到達海下灣海岸公園。 我建議早去早回，除了天氣太熱， 亦要注意尾班車開出時間， 18:45至18:55開出。 班次是20至30分鐘，視乎日子。離開時叫的士比較困難，小巴是不錯的選擇。
🐶今次毛孩無緣跟我哋去海岸公園玩。海下灣海岸公園是不准攜帶狗隻的。
#親子好去處 #親子樂 #假日好去處
#海下 #海下灣 #海下灣海岸公園 #海岸公園 #浮潛 #生態遊 #西貢 #香港浮潛 #香港 #沙灘沙灘 #獨木舟 #親子 #親子好去處 #暑假好去處
Search